Qusar Olimpiya Kompleksi

Qusar şəhərində Olimpiya İdman Kompleksi 2008-ci il sentyabrın 27-də istifadəyə verilib. Şəhərin ən mənzərəli yerində, meşə kənarında tikilmiş bu kompleks 14 hektar ərazidə yerləşir və əsas korpusunun ümumi sahəsi 5 min kvadratmetrdir. Bu korpusda universal 1530 və 450 yerlik tribunaları olan iki idman salonu, 25 metrlik üzgüçülük hovuzu, stolüstü oyunlar üçün otaqlar, trenajor salonu, yeməkxana, yardımçı otaqlar yerləşir. Üzgüçülük hovuzunda isə yarışları 316 nəfər izləyə bilər. Üçmərtəbəli üç idman korpusu, daxili istirahət parkı və istirahət məkanı yerləşir. 1-ci korpusda boks, güləş, trenajor, aerobika və bilyard zalları fəaliyyət göstərir. 2-ci korpusda əl oyunları zalı yerləşir. 3-cü korpusda üzgüçülük hovuzu mövcuddur. Komplekdə açıq tipli hovuz, 7 bağ çardağı, 40 ədəd 1 və 2 ailəli hər cür şəraiti olan koteclər var.